"ई" अक्षर ऊँ सरू होबाळा गीत

ईशु थारी होवै सदा जै-जैकार

ईशु थारी होवै सदा जै-जैकार, हाल्लेलुया गांवा म्हें तो बारम्बार शान ह ऊँची मेहमा अपरम्पार, हाल्लेलुया गांवा म्हें तो बारम्बार

पापी आया कोढ़ी आया,आया कई बिमार ईशु क नाम स होयो बेड़ोपार शान ह ऊँची मेहमा अपरम्पार, हाल्लेलुया गांवा म्हें तो बारम्बार

चार दिना को मुर्दो जीयो, होयो चमत्कार हाल्लेलुया गांवा म्हें तो बारम्बार शान ह ऊँची मेहमा अपरम्पार, हाल्लेलुया गांवा म्हें तो बारम्बार

पाँच रोटी दो मछी,भिड़ पाँच हजार बारा चोल्या बचगा बठै लोगा न जिमार शान ह ऊँची मेहमा अपरम्पार, हाल्लेलुया गांवा म्हें तो बारम्बार

ईशु म्हारो ह आसरो

ईशु म्हारो ह आसरो,म्हारी पाक्की ढाड ह म्हारो ऊँचो ऊँचो किलो थारी किरपा महान ह

थारी छाया म ढिकाणो जो पावै दु:खड़ो आवै ना विपदी उजाड़ै रात चाँदणी धोळी-दोपारी नाई कोई मरी खावै

जद-जद बैरी ज्याळ बिछावै पंखा की ओट म म्हानै लुखावै यहोवा जी न जो धाम बणावै जुग-जुग थारा ई दर्शण पावै

ईशु जलम्या दुनिया म

ईशु जलम्या दुनिया म म्हारा पाप मिटाबा आया आया जी ईशु म्हारा पाप मिटाबा

स्वर्ग देश ऊँ आयो फरिश्तो शुभ-संदेशो ल्यायो परमेश्बर की शक्तिऊँ मरियम ईशु न जायो ईशु जलम्या दुनिया म म्हारा पाप मिटाबा आया आया जी ईशु म्हारा पाप मिटाबा

पेरो देता रात गुवाळ्या देख दुत न डरग्या सुण गुवाळया बात दुत की रेवाडा म चलग्या दर्शन पाया ईशु को गाया होवै जै-जैकार

जग-मग भळक्यों तारो पुरबऊँ देख ज्योतषी आया धोक खाई न्यान्या ईशु क सोनो धुप चढा़या दर्शन पाया ईशु को आयो परमेश्बर को लाल

रेवाडा म जलम्या ईशु स्वर्गऊँ थे आया म्हारा पापां ताँई ईशु शुळी प थे चढ़ग्या खुद का जीवन न तजकै म्हारी जान बचाई